Descripcion
Les Secrèts de las Bèstias
Planvenguts al país dels contes : lo de las bèstias que parlan e de Jan Bèstia, dels castèls encantats e dels ponts de veire, de las filhas de rei e del diable colhonat, de las bruèissas e de Jan de l’Ors, de Pitcendràs e dels menaires de lops, de las còrnas d’òr e de l’òme dels dits copats, e que te sabi ieu…
Aicí presarètz coma se deu l’engèni dels contaires que sabon escotar los secrèts de las bèstias e tot l’art d’escriure d’Andrieu Lagarda, culhidor fidèl e escrupulós.
De vertat, un dels màgers recuèlhs de contes populars occitans que s’es pogut legir dincas ara.
Au país de la gata blanca
De cap a las annadas 1900, Antonin Perbòsc, regent a Combarogèr en Lomanha, que cuelhó dab los mainats de l’escòla primària deu vilatge establits en societat escolara ua garba de contes populars en occitan gascon.
Aquera cuelhuda de contes, de las mes bèras e completas qui sian estadas hèitas en país d’òc, n’èra pas jamés estada publicada dens la soa lenga d’origina e n’èra pas tanpòc jamés estada publicada dens la soa integralitat, de l’a dinc a l’izèda.
La nosta edicion que vòu donc hicar en plea lutz lo tribalh etnografic màger de Perbòsc. Tau plaser deus legedors, solide, mes tanben tà que los contaires e posquian putzar a la hont tà tornar balhar vita, uei lo dia, aus contes amassats peus mainats lomanhòus jos la direccion de Perbòsc.
Ua garba de 115 contes meravilhós, contes de bèstias, peguessas, contes tad arríder, jòcs de lenga, istuèras e benalejas…
Edicion establida per Josiana Bru e Joan Eygun
Contes de la val de la Boneta
Al començament del sègle XXen, entre Carcin e Roèrgue, los mainatges d’una escòla de vilatge reculhisson un vintenat de contes populars.
I trobaretz lo Rei dels Ausèls, lo Lop, lo Rainal e la Perdic, lo Drac, Rapaton, alias lo Diable, nècis vertadièrs e maites que o son pas brica, curats de campanha simplasses e la rusada nebodeta que va trobar son galant, menaire de lops, la nuèch dels Quatre Temps…
Dins una lenga viva e fresca coma un jorn de prima.
Muriel Vernières a enregistrats totes los contes del recuèlh (CD junt al libre)
