Descripcion
Lo Rei dels Corbasses
Un grand conte meravilhós de Joan Francés Bladé, tirat de son òbra màger, los Contes de Gasconha. Plan polidament illustrat per Sofia Vissière.
Un libre qu’agradarà als mainats que descobriràn cossí lo Rei dels Corbasses e la filha de l’Òme verd se maridaràn e las espròvas que s’enseguiràn per poder, fin finala, véncer los sortilègis…
Adaptat en occitan lengadocian per Sèrgi Carles.
Los Òmes Pichons
Volètz descobrir lo monde escondut e fantastic dels fadets, farfadets e folets ?
Alara, dintratz dins lo conte de Terèsa Pambrun, polidament illustrat d’aquarellas, Los Òmes Pichons.
Coneisseretz tot de la vida vidanta e vertadièra d’aqueles omenons lillipucians, lor monde, lors trabalhs e lors costumas…
Un monde embelinaire, de segur.
Pasmens, gardan un grand secrèt, plan amagat. Per lo descobrir, cal saber arribar a la fin del libre…
L’Ostal dels Lops
Un conde de bèstias illustrat per Sofia Vissière : tad escapar au cotèth deus mèstes de la bòrda qui’us vòlen minjar, borits o rostits, lo gat qui escota tot çò qui’s passa au còrn deu huec que va sauvar lo hasan, l’auca, lo marro e lo can. Tots amassa, que’s van sauvar. Perduts dens lo bòsc que van trobar un acès dens ua maison desèrta. Malaja, qu’èra la maison deus lops ! Quin se va passar quan tornen ?
Ua version occitana deus Musicaires de Brèma deus hrairs Grimm qui agradarà a tots los legedors, grans o petits.
Taus joens de 4 a 10 ans
