Descripcion
Contes de Garona
Edicion establida per Josiana Bru e Joan Eygun
J. Boisgontier
Data de parucion : 04 / 2009
ISBN : 978-2-916718-15-6
Format deu libe : 16 x 24 cm
Nombre de paginas : 224
Editor e revirador deus Contes de Gasconha de Bladé e deus Contes d’Arnaudin, J. Boisgontier (1937-1998), qu’estó tanben cuelhedor de contes e de paraulas d’òc eth medish. Harguat dab la mestior amassada pendent annadas, aqueste recuelh que’s vòu atau reclam fidèu de las paraulas deu fluvi, de las vinhas e deu bòsc.
Lo lop qu’i ei plan present, com autes còps, mes tanben la platussa, lo picatau, lo gat-esquiròu, l’ironda e lo pinsan, lo grapaud e la taupa, los cròcs e lo curè tròp verd, l’òme de la lua, lo diable e son doble, lo boc de Bitèrna, la gojata tròp brava e lo famós curè d’Artigavielha, e tandes enqüèra…
Los contes, demorats entutats dens la paraula deus vielhs, que son de sortida, uei.
Legetz-los donc tà que tornen víver !
