Condicions generaus de venta

1 Presentacion

Suu site www .letrasdoc. org, la comanda en linha deus obratges publicats per las edicions Letras d’Oc 7 allée des Platanes F31320 Pechabou qu’ei possibla. Las endicas estipuladas aciu baish que precisan las modalitats e condicions de venta deus obratges de Letras d’Oc en emplegant lo site de venta en linha, e qui constitueishen un contracte de venta en linha enter Letras d’Oc e los crompadors deus obratges.

2 Validacion de la comanda

Tot bon de comanda, validat peu crompador en clicant suu boton de validacion, un còp la saisida deus còdes de carta bancària hèita, o per corrièr postau signat peu crompador e acompanhat deu son pagament, que constitueish ua aceptacion definitiva de la susdita comanda. La sola possibilitat de tornar sus l’aceptacion susdita qu’ei lo dret de retractacion mentavut a l’article 4 de las Condicions generaus de venta. De mei, Letras d’Oc que s’arreserva lo dret d’arrefusar tota comanda d’un crompador dab loquau e i averé un desacòrdi o pleitei.

3 Confirmacion de las informacions

Ua pròva de recepcion de comanda que serà enviada per corrièr electronic a l’adreça endicada peu crompador au moment de l’inscripcion, dab las informacions contractuaus.

4 Dret de retractacion

En conformitat dab l’article L 221-18 deu còde de la consomacion, lo crompador que’s pòt retractar per escriut dens los 14 dias qui segueishen la recepcion deus articles peu crompador, e tornar a Letras d’òc çò de crompat. Dens aquestes acas, qu’ei lo crompador qui paga lo mandadís eventuau.
Los articles que deven estar recepcionats per Letras d’òc plan complets e dens lor estat originau. Los articles tornats incomplets, macats o plapats peu crompador ne son pas aceptaders per Letras d’òc e ne seràn pas briga remborsats.
Lo dret de retractacion n’ei pas aplicader aus articles dab un enregistrament audiò.

5 Disponibilitat

En cas d’indisponibilitat d’obratges, lo crompador que’n serà avisat per corrièr electronic tanlèu qui’s posquia.

6 Prètz

Los prètz que son tostemps balhats en € TTC. La facturacion qu’ei establida sus la basa deus prètz mercats suu site quan la comanda ei passada, aumentada deu cost de mandadís se n’i a.

7 Cost de mandadís

Comandas passadas per las personas fisicas : cost de mandadís

1. França metropolitana :

  • De 0 dinc a 15 €,  2,50 €
  • De 16 dinc a 30 €,  3,50 €
  • De 31 dinc a 50 €,  5,50 €
  • Superior a 50 €, mandadís a gratis

2. Euròpa :

  • De 0 dinc a 15 €,  3 €
  • De 16 dinc a 30 €,  4 €
  • De 31 dinc a 50 €,  6 €
  • De 51 dinc a 100 €,  8 €
  • Superior a 100 €, mandadís a gratis

3. DOM-TOM :

  • De 0 dinc a 15 €,  4 €
  • De 16 dinc a 30 €,  6 €
  • De 31 dinc a 50 €,  10 €
  • Superior a 50 €, mandadís a gratis

Autes país, segon la situacion geografica.

Libraris : condicions particulàrias dedicadas aus professionaus.

8 Livraison

Los obratges comandats que seràn en prioritat enviats per la Poste. Que seràn enviats a l’adreça notada au moment de la comanda, qui pòt estar diferenta de l’adreça de facturacion. Se lo crompador hè ua error quan nòta l’adreça de mandadís, Letras d’òc ne pòt pas estar considerada responsabla de l’impossibilitat d’arrecéber los obratges comandats. Los hèits d’arerfusar de recepcionar o de non pas anar crubar los obratges comandats ne pòden jamés estar assimilats a l’exercici implcite deu dret de retractacion deu crompador.

9 Possibilitats de pagament

Lo reglament de las crompas qe’s hè per carta bancària en emplegant lo servici de pagament en linha Systempay de la Caisse d’Epargne. Se la comanda ei passada per corrièr postau, en França metropolitana sonque, lo crompador que pòt pagar la soa comanda dab un chèc en € junt a la soa comanda; Lo chèc que deu estar emetut per ua banca qui a lo son sèti en França.

10 Securitat de las transaccions bancàrias

Quan lo crompador balha las donadas de la soa carta bancària, la soa data de fin de validitat e lo son n° de contaròtle, qu’ei conectat a un dispositiu de pagament de la Caisse d’Epargne, dab contaròtles de seguretat. Qu’ei la Caisse d’Epargne qui s’encarga de la transaccion de pagament peu noste compte e ne guardam pas nada informacion ligada a la vòsta carta bancària.

11 Informacions personaus

Las informacions qui son demandadas au crompador que hèn besonh tau tractament de la soa comanda e que son tractadas informaticament. En conformitat dab la lei Informatica e libertats deu 6 de genèr de 1978 modificada, lo crompador qu’a lo dret de consultacion e de rectificacion de las soas dadas personaus. Tà poder consultar o rectificar se hè besonh las soas dadas personaus, lo crompado que deu har ua demanda a Letras d’òc a l’adreça electronica letras.doc@wanadoo.fr.

.

12 Litiges

Se, per ipotèsi, un desacòrdi arribava au parat de la presenta relacion contractuau, las partidas que s’engatjan a cercar en prioritat un reglament deu desacòrdi amigablaments. Las reclamacions eventuas que deven estar enviadas a Letras d’òc a l’adreça electronica letras.doc@wanadoo.fr. Las partidas que son d’acòrdi suu hèit qu’aqueste contracte ei sosmetut au dret francés e que los pleiteis eventuaus son de la sola competéncia deus tribunaus de Tolosa (31).