Publicat lo

George Orwell

George Orwell (Eric Arthur Blair deu son nom de naishença), (1903-1950)

Qu’ei vadut dens las Indias deu temps de l’Empèri britanic. Après los sons estudis au collègi d’Eaton en Anglatèrra, qu’entra dens l’armada britanica tà poder tornar en Orient, mes la soa maishanta experiéncia com sargent en Birmania que’u va har descobrir la brutalitat de l’imperialisme britanic. Que dèisha en seguida l’armda en 1927 e que’s vira de cap a l’escritura literària e jornalistica.

En 1936, que viatja en Espanha tad escríver suus eveniments de la guèrra civila mes tanben tà combàter contra las tropas nacionalistas de Franco. Mes, herit, que torna tà Londres e que publica Aumatge a la Catalonha, testimoniatge deu son engatjament dab lo POUM (Partit Obrèr d’Unificacion Marxista) qui serà liquidat peus comunistas estalinians. Pendent la Segonda Guèrra Mondiau que vad jornalista a la BBC e qu’escriut La Bòrda deus Animaus, satira de l’estalinisme. Vadut malaut, qu’escriu lo son darrèr roman, lo mei famós, 1984, qui serà publicat quauques mes abans la soa mòrt, en genèr de 1950.

 


Ròtles : Escrivans.