Descripcion
Dins aquesta segonda garba de l’Ordinari del monde, s’i encontran tornarmai òmes e femnas suls camins de la vida, entre violéncia e doçor, amors e òdis.
Mas tanben lo pes del temps que passa, la poesia dels gèstes de cada jorn, la negror d’un cuol de botelha, lo formiguièr de l’estelum o la vida dels innocents : tot l’alen del monde.
Òc-ben, Ives Roqueta sap – sabià – escriure lo monde, d’una escritura sarrada, mestrejada, que tòca al còr ! Coma un òme qu’èra totjorn en quista de l’esplendor de çò verai.
