Arcuelh

Nautats

• Una mina de mots e d’expressions

  Le Trésor des mots, dictionnaire occitan-français

  Amb l’abonde de son vocabulari, la bèla culhida de locucions occitanas, de torns populars, d’expressions presas al viu, de provèrbis e de dires, aquel diccionari occitan-francés pòrta plan son nom de Tresaur dels mots.
  Frucha d’una quista menada al long de desenats d’annadas, Adrieu Lagarda l’a volgut miralh fidèl de la paraula d’Òc.
  Serà un espleit mannat per totes los que vòlon aprigondir lor coneissença de l’occitan, plan al delà del terrador audenc de Rivèl. Tota la varietat, la fòrça e lo chuc d’una lenga i se manifèstan, a posita de totes los legeires.

  Andrieu Lagarda a vodada tota sa vida a l’estudi e a l’ensenhament de la lenga occitana, amb fe e perseverança.
  Es l’autor d’una òbra occitana abondosa e de granda qualitat : obratges de lexicografia, cronicas, contes pels mainatges, escrits autobiografics, recuèlhs de provèrbis, de devinalhas, de noms de luòcs e de personas, traduccions, collector e editor d’un dels pus polits recuèlhs de contes populars occitans.

• Encontres e animacions

  Dissabte 18/11/23, 14h30, Parisot (82) –  Presentacion per S. Carles deu son libe, Istòria d’un sauvatjòt Mediatèca de Parisot.

  Dissabte 25/11/23, 14h, Legavin (31) – Presentacion per S. Carles deu son libe, Istòria d’u sauvatjòt Ostau de la Sava al Toch.

  Divés 01/12/23, 10h, La Capèla Balaguièr (12) – Presentacion per S. Carles deu son libe, Istòrian d’u sauvatjòt .

  Dissabte 09/12/23, 10h, Pàmias (09) – Presentacion per S. Carles deu son libe, Istòria d’un sauvatjòt Mediatèca de Pàmias.

• Jos premsa : Badic Badòc
  Badic Badòc de T. Pambrun

  

  Badic Badòc : ditas e cançons de uei e doman, jòcs de mots e jòcs de lenga entau gòi de parladissejar e canturlejar.

  T. Pambrun que’ns balha ací un libe acompanhat de l’enregistrament deus tèxtes qui agradarà aus mainadets com aus parents.

   

• Un libre novèl de J.-P. Lacomba

  Al long d’un desenat de novèlas, l’autor de Mudadas entremescla realitat e sòmi, de cara als trabucs de la vida e als trebolèris de l’Istòria.
  Las paurs, las amors, la violéncia, los sortilègis o los malastres de la guèrra desvelan çò escondut al pus prigond dels còrs e de las armas.
  Joan-Pèire Lacomba nos fa caminar pels sendièrs de vida del monde, dins la lenga de son país de Bòrt (Corresa).

  Amb un lexic occitan-francés

   

   

  
  

   

Joens legedors