Arcuelh

Nautats

• Encontres e animacions

  Presentacion de la Flòra illustrada de Josiana Ubaud
  – 28/06/2025, a Sant Privat dei Vièlhs (Gard)

  Hèsta de la lenga, a Salas de Baura 
  – 05/07/2025, de 10 h enlà
  64300 Salas de Baura

  Presentacion per Sèrgi Carles deu son libe Istòria d’un sauvatjòt
  a Sent Sauvador (Avairon)
  – 05/07/2025, a l’Ostal dels escrivans

  « Autour du livre, » a Acós (Vath d’Aspa)
  – 19 e 20/07/2025
  64490 Acós

  Nov’Estivada, a Sebasac, a costat de Rodés
  –  24, 25 e 26/07/2025
  12740 Sebasac 

• Parucions d’estiu – 07/25

  Viatge de Gargantuà delà Garona

  
  Demorat esconut dens un vielh manuscrit provassut, ací qu’avetz un viatge desconegut deu famós Gargantuà. Deu passatge de Garona dinc a las montanhas pirenencas, sèt dias d’ua setmana meravilhosa e misteriosa.
  Se voletz véder dançar las estelas, volar dab los ausèths sauvatges, espiar a l’esconut los mistèris herotges deu sabat, garrapetar dab montanhòus guarruts o enténer las paraulas geladas deus ajòus disparescuts, ça-vietz donc acompanhar Gargantuà dens lo son viatge iniciatic.
  Manuscrit transcriut per Jan Dalharí.

  Alan Vidal legís los Contes risolièrs d’Andrieu Lagarda
  Lo libre audio recampa un quarantenat de contes e legendas.
  Una garba de racontes vius e trufarèls dins una lenga chucosa.

   

   

• Una flòra esperada

  Flòra illustrada
  de Josiana Ubaud

  

  460 plantas illustradas per 600 fòtos.

  Aquesta flòra se vòl una iniciacion a la reconeissença de las plantas mai comunas de la mar a la montanha, que tot occitan se deuriá de conéisser per se reapropriar son environament.
  Dona los noms occitans (en provençal e lengadocian) los mai espandits e los mai normatius, per ajudar a un ensenhament que non pòt desgrunar per cada planta la colleccion de noms atribuits a caduna. Per un apròchi mai pedagogic possible a destinacion dels novicis, las plantas son classadas per mitan (la duna, la sansoira, l’eusièra, la montanha, los lòcs umids, los sòls calcaris e siliçoses, las vièlhas parets, etc.), per colors per las erbacèas floridas de cada mitan (blanc, blau, jaune, ròse, roge, violet), per caractèrs distintius (la bauquilha, las lianas, los cardons, las plantas aromaticas, las plantas parasitas, las plantas comestiblas). D’entresenhas scientificas (familha botanica, nom del fruch, data de florison) e etnobotanicas venon completar lo retrach de caduna tant coma los noms donats a una espandida (bòsc, forèst) en rapòrt dirècte amb los toponims. La flòra illustrada es precedida d’un lexic elementari de botanica, sovent maltractat dins los lexics generals e seguida de tres indèxes francés-occitan-latin.

---

Joens legedors