Arcuelh

Planvienguts suu noste site.

Possibilitat de comandar en linha los nostes obratges (pagament sus un site bancari professionau segur).
Se volètz recéber la nosta letra d’informacions, inscripcion obligatòria.

 

Nautats

  • Parucions avenideras

    Contes, devinalhas e nadalets…


    Un còp i aviá…
    de Luigi Capuana,
    traduccion de Sèrgi Carles.

    Nadalets 
    de Joan Larzac

    Lo libe de las devinalhas
    (gascon)

     

     

     

  • Autobiografia

    Alba roja
    d’Andrieu Lagarda

    Al ser de sa vida, Andrieu Lagarda balha la paraula al dròlle qu’es estat. Òc-ben, es la votz del mainat, a la primièra persona, qu’ausissèm dins aqueles racontes que van dels remembres pus aborius a las primièras annadas d’escòla primària.

    Se Sinèra o Al temps que te parli encaminavan ja una escritura biografica, es ben lo primièr còp que l’autor nos balha los remembres del seu temps de mainatge.

    Pus personal, lo raconte d’Andrieu Lagarda es pas lo d’una enfança païsana coma plan autres tèxtes autobiografics occitans. Es dins un borg que son paire teniá botiga de cordonièr, dubèrta a totes, per el endreit mannat de descobèrta, d’observacion, de vesinatge.

    Alba roja, luènh d’èsser un raconte simplòt, es al còp la descobèrta del monde del defòra, la calor de l’ostalada, los trabucs e los desavenis, las penas e las incomprensions fàcia al monde dels adultes, la somission a las duras règlas de l’escòla o las jòias del Carnaval…

    Amb un lexic occitan-francés

  • Los mots de la montanha pirenenca

    Atlas gascon des Hautes-Pyrénées – Tome I

    Rhododendron – Gavèt

    Lo prumèr volume de l’« Atlas gascon des Hautes-Pyrénées » qu’ei dedicat au lexic de la flòra e de la fauna.
    Qu’i avem amassat los mots precisaments localizats cuelhuts en sègle XXau per lingüistas arreconeguts o bons coneishedors deu lor parlar locau, enrasigats dens la vita vitanta deu lor parçan.
    Qu’ei donc ua sintèsi de las dadas d’atlàs lingüistics, de tribalhs univesitaris francés e estrangèrs, de monografias locaus e de manuscrits inedits.
    Lo libe que presenta los mots arrecapatats en occitan gascon, posicionats e localizats sus la carta departamentau, en grafia classica tà que pósquia estar ua hondan frutèca taus locutors gascons actuaus com taus qui vòlen apréner.
    Lo libe qu’ei completat per un index qui arrecapta totas las fòrmas presentas dens l’atlàs.

    Dadas amassadas e organizadas per Joan Eygun.

     

     

     

     

     

     

     

     

     


     

Joens legedors