Provençala resident en Lengadòc, Josiana Ubaud es etnobotanista e lexicografa en domeni occitan (lengadocian e provençau). Assegura de sortidas botanicas, de conferéncias, d’expertesas per lei municipalitats, d’emissions de ràdio, de formacions d’ensenhaires, d’animacions escolaras dei classas elementàrias a l’universitat. Despuei de decennis, estúdia lo lexic botanic e la percepcion dei païsatges dins lei diccionaris, leis escrichs divèrs (poesias, romans, almanacs, de tota epòca, tota grafia) e per enquistas de terren (païsans, oleicultors, vinhairons, pastres). Publiquèt d’estudis nombrós sus la natura per fin de reactivar la cultura naturalista occitana pròpria a un territòri d’una riquesa botanica excepcionala, cultura qu’es a mand de se pèrdre, ara que « totei lei bilbiotècas an cremat »… sota la butada de l’uniformizacion esterilizanta e estranglaira dei culturas. Pasmens i a que l’occitan per dire/descriure exactament la natura occitana, evidéncia valabla per totei lei lengas.
