Ròtle: Éditeurs
Marie-Louise Tenèze
Maria Joana Verny
Joan Salles-Loustau
Joan Penent
Joan Loís Lavit
Vadut lo 29 de junh de 1959 a Lorda. Familha lavedanesa occitanofòna, mair regenta e pair obrèr d’usia. L’occitan qu’ei tostemps estat e qu’ei la lenga de la familha.
Leguidor de bandas dessenhadas e de SF americana, que descobreish la literatura occitana e l’occitanisme a 17 ans, cap a la fin de las annadas 70 a l’Escòla Occitana d’Estiu e dab l’Institut d’Estudis Occitans.
Especializat en ensenhament de l’occitan a l’escòla publica desempuish 1982 (e recentament retirat).
Que’s lança dens l’escritura a l’aurèra de las annadas 90.
Manejant l’escritura teatrau autanplan com l’escritura de romans e novèlas, qu’ei adara vadut un deus autors occitans de compte har.
1994 – « Pelòt » pastorala gascona, premèr prèmi de teatre au concors deus « Calams Biarnés » de Pau et Prèmi « Pau Froment ». Edicions « Pastorala de Bigòrra ».
1995 – Premèr prèmi de pròsa au « Calams Biarnés » entà la novèla « Jan », publicada per « País Gascons ».
1996 – En co-escritura dab Terèsa Pambrun, « Baretjas » pèça de teatre, comanda de la comuna de Baretjas entau cincantenari de la soa creacion.
1996 – Signatari deu manifèste « Escrituras descobertistas » – membre de la « Jove literatura occitana » – n° especiau 1996 de la revista « Lo Gai Saber ».
1997 – « Zocalfar » – Ua hèita deu comissari Magret – roman comico-policièr – Edicions Princi Negre.
2000 – « Hont Blanca » – roman – colleccion « Atots » ed. Institut d’Estudis Occitans.
2004 – Lo Tin-Tin d’Ergé ; ua hèita deu comissari Magret – Prèmi deu raconte policièr a La Guàrdia Piemontesa, Crimis, IEO.
2004 – Las moscas – novèla d’anticipacion – ed. Pescalua, edicion bilingua.
2005 – Blind Date – roman –Tèrra Incognita, Edicions Reclams.
2009 – L’estiu deu huec gran – Edicions Per Noste – Prèmi deu raconte infàntil en 2007 au concors « Aran de literatura 2007 ».
2011 – De mot a mot – edicion d’archius gascons deu sègle XVIau – Camins, Edicions Letras d’òc.
2016 – Gargàs – Kamishibai taus mainats, illustrat per Terèsa Pambrun – Edite-moi.
2017 – Escura, la nueit – Edicions Letras d’òc.
2018 – Libe audiò : lectura integrau d’Escura, la nueit (Letras d’òc)
2018 – Bèth peu de sau – Edicions Letras d’òc.
Josiana Bru
Josiana Bru qu’a tribalhat sus las cuelhudas de literatura populara d’Antonin Perbòsc (1861-1944) miadas en Gasconha e en Carcin. Aimadora deus contes e deus contaires, qu’amassa la mestior de la seguida deu « Catalogue du conte populaire français » iniciat per P. Delarue e M.-L. Tenèze.
Qu’ei tanben editora d’arreporèrs e de mimologismes (conterilhòts gessits deus crits d’animaus) d’Antonin Perbòsc e de recuèlhs de contes de Perbòsc (Contes licencieux de l’Aquitaine), d’Andriu Lagarda (Contes occitans, 2005), de J. Boisgontier (Contes de Garona, Letras d’òc, 2009) e deus contes de Combarogèr amassats per Antonin Perbòsc (Au país de la gata blanca, 2013).
Demoran suu talhèr la publicacion deus contes amassats en Aubrac per M.L. Tenèze.
Joan Eygun
Fondator de las edicions Letras d’òc en 2004, Joan Eygun qu’estó tanben cap redactor de las revistas Reclams (1991-1996) e Tèxtes occitans (1996-2002).
Qu’a estudiat l’istòria de la lenga occitana e deus sons emplecs dens los maines juridic o religiós :
Fòrs e costumas de la montanha a la mar / Fors et coutumes de la Garonne aux Pyrénées (1994),
Au risque de Babel, le texte religieux occitan de 1600 à 1850 (2002)
Repertòri deu teatre occitan 1550-1800, (2003),
Ua lenga qui s’esvaneish ? Une langue qui disparait ? (2015).
documents inedits gessits d’archius :
Per malhs, sarròts e arrècs. Une vallée pyrénéenne et sa langue (2009),
Fors et costumas de Bearn (2010).
Le Cartulaire d’Oloron (2020).
Joan Eygun qu’a tanben publicat òbras ineditas o desbrembadas d’autors occitans : Joan de Valès (s. XVIIau), Antonin Perbòsc e Xavier Navaròt, autanplan com antologias de poësia contemporanèa o cuelhudas de contes populars (J. Boisgontier, A. Perbòsc, contes d’Aubrac).
Que persegueish enqüèra tribalhs de lexicografia gascona e enquistas de toponimia pirenenca.
Les mots de la montagne pyrénéenne à travers la toponymie de la Vallée d’Aspe, 2013
Obratges dedicats a la literatura :
Poésie d’Oc au XXe siècle, 2005
Camins dubèrts, 2011