Planvienguts suu noste site.
Possibilitat de comandar en linha los nostes obratges (pagament sus un site bancari professionau segur).
Se volètz recéber la nosta letra d’informacions, inscripcion obligatòria.
Nautats
- Parucions avenideras
Contes, devinalhas e nadalets…
Nadalets
de Joan LarzacLo libe de las devinalhas
(gascon)Los mei beròis contes de bèstias
- Autobiografia
Alba roja
d’Andrieu Lagarda
Al ser de sa vida, Andrieu Lagarda balha la paraula al dròlle qu’es estat. Òc-ben, es la votz del mainat, a la primièra persona, qu’ausissèm dins aqueles racontes que van dels remembres pus aborius a las primièras annadas d’escòla primària.
Se Sinèra o Al temps que te parli encaminavan ja una escritura biografica, es ben lo primièr còp que l’autor nos balha los remembres del seu temps de mainatge.
Pus personal, lo raconte d’Andrieu Lagarda es pas lo d’una enfança païsana coma plan autres tèxtes autobiografics occitans. Es dins un borg que son paire teniá botiga de cordonièr, dubèrta a totes, per el endreit mannat de descobèrta, d’observacion, de vesinatge.
Alba roja, luènh d’èsser un raconte simplòt, es al còp la descobèrta del monde del defòra, la calor de l’ostalada, los trabucs e los desavenis, las penas e las incomprensions fàcia al monde dels adultes, la somission a las duras règlas de l’escòla o las jòias del Carnaval…
Amb un lexic occitan-francés
- Una novèla traduccion de S. Carles
Un còp i aviá…
Luigi Capuana
La revirada de Sèrgi Carles vos convida a caminar en lenga occitana dins lo reiaume encantat de Luigi Capuana, grand escrivan de contes e d’autras òbras literàrias consideradas pus seriosas.
Dins aquel país meravilhós, a la cantonada d’una carrièra o per bòsques e garrigas, vos podètz trobar cap e tufa amb masques e devinaires, o amb lo Rei Solelh, lo Rei del Portugal e la Reina de las Fadas. Sens parlar d’un cardelin misteriós, del caval de bronze, d’un uòu negre, de la rana que vos balha lo det e de la Fada Morgana…
Tot un país de sortilègis e de paraulas pel màger plaser dels mainatges de uèi e dels que o èran ièr.
Coma o disiá Italo Calvino, grand coneisseire de contes e admirator del libre : « Un còp i aviá… de Capuana, libre de contes noirits a l’encòp de fantasiá e d’esperit popular. »Traduccion occitana de C’era una volta… Fiabe, òbra originala italiana de Luigi Capuana per Sèrgi Carles
