Arcuelh

Planvienguts suu noste site.

Possibilitat de comandar en linha los nostes obratges (pagament sus un site bancari professionau segur).
Se volètz recéber la nosta letra d’informacions, inscripcion obligatòria.

 

Nautats

  • Fresc espelit

    Qu’es aquò, qu’es aquò ?
    d’Andrieu Lagarda

    Edicion novèla d’un polit libre que recampa mai de 200 devinalhas, jòcs de mots, espigas linguisticas que ne demandan qu’a madurar e germenar per far viure la lenga occitana

     

     

  • Al país de las meravilhas

    Al país de las meravilhas
    d’Andrieu Lagarda

    Andrieu Lagarda vos convida al país dels contes qu’es lo país dels sòmis tanben.
    Dins aquel país meravilhós, i trobaretz de reis e de reinas, de princes e de princessas, las filhas del solelh, de bruèissas, de bèstias que parlan coma nosautres, lo famós Joan de l’Ors, d’ausèls embelinaires e plan autres personatges extraordinaris…
    D’una escritura clara e linda, aqueles nòu contes son venguts de classics per uèi e per deman : Las tres pomas d’irange, Las doas palometas, Còs-sens-anma, Joan de l’Ors, Lo peis de la corona, La Montanha Verda, Bufòla e lo lop blanc, Grand-Guilhèm o las pelalhas, La Bèstia dels sèt caps.
    Daissatz la pluma d’Andrieu Lagarda vos menar pels caminòls del conte ont se donan la man paraula populara e escritura personala de l’autor.
    Amb un lexic occitan-francés.
    Enregistrament del tèxte complet sus CD per Maria-Odila Dumeaux.

     

  • Contes de J.-F. Bladé

    Contes misteriós
    de J.-F. Bladé

    Al delà dels païses gascons, Joan-Francés Bladé publiquèt tanben de contes culhits en Agenés dins un parlar lengadocian marcat d’influéncias gasconas.
    Tirat qualques unes benlèu, aicí, avèm pas de contes pels mainats. D’aventuras estranjas e extraordinàrias que tanplan faràn estrementir los legeires.
    De contes negres e misterioses.

    Aquí-los publicats en grafia classica.

    Amb un enregistrament integral dels contes per Maria-Odila Dumeaux.

     

     

     

     

     

     

     

     

     

     


     

  • Parucions printemps-estiu

    De març a junh de 2026
    Contes misteriós, de J. F. Bladé

    Dieusses primièrs, d’Ives Roqueta

    Atlas gascon des Hautes-Pyrénées (vol. I)

    A la descubèrta deus ausèths cantadors (illustracions de Carine Freyssinet Maizy)

    Mœurs béarnaises, de P. Raymond

    Libe de las devinalhas

Joens legedors