Planvienguts suu noste site.
Possibilitat de comandar en linha los nostes obratges (pagament sus un site bancari professionau segur).
Se volètz recéber la nosta letra d’informacions, inscripcion obligatòria.
Nautats
- Libes jos la premsa
Lo Capitani Campani
Un tèxte de Maria Roanet qui conta las aventuras extraordinàrias d’un capitani retirat deu monde, qui sauneja de mars, de balenas, de daufins, de gabians e de batèus…
Un viatge oniric illustrat e colorizat qui agradarà aus joens com aus qui ne’n son pas mei.En occitan lengadocian.
Un brigalh de pèira blua
Pr’amor de húger las orrors de la pèsta e possats per la hami d’aventuras, dus gojats pirenencs que s’embarcan tau Canadà, país qui n’èra pas enqüèra conquesit cap e tot per las armadas deu rei de França.
Au miei deus trebucs e deus miscaps que van descobrir pòples e societats plan diferents de çò de casa.
Un beròi roman d’aventuras de Joan Loís Lavit.Dab un lexic occitan-francés.
- Un conte taus mainats
Las tres auquetas,
un beròi conte de bèstias.
Un renard, qui n’a pas minjat despuish ua bèra pausa, qu’encontra tres auquetas, tres seroletas qui pèishen erbetas a plaser.
Mès, quin se va passar donc dab aqueth gus de renard ?
Las cabanòtas qui’s van bastir las auquetas e van estar pro hòrtas tà que posquian escapar aus caishaus de la bèstia ahamiada ?
Qu’ei en legent lo conte qui coneisheratz la seguida…Las colors vivas de las illustracions originaus de Carine Freyssinet que balhan vita aus personatges deu conte.
Las tres auquetas, un conte tradicionau adaptat en occitan gascon per Jan Dalharí.
- Encontres e animacions
Dimars 23/04/24, 16h, Tolosa (31) – Aumenatge a Joan Larzac, participacion de Joan Eygun, Ostal d’Occitania de Tolosa, organizat per l’Universitat de Tolosa.
Divés 26/04/24, 19h, Sant Cristòu (30) – Presentacion per S. Carles, deu son libe Istòria d’un sauvatjòt, a la Mediatèca.
Dissabte 27/04/24, 10h, Someire (30) – Presentacion per S. Carles, deu son libe Istòria d’un sauvatjòt, a la Mediatèca.
Dissabte 27/04/24, 16h, Nimes (30) – Presentacion per S. Carles, deu son libe Istòria d’un sauvatjòt, Caire d’Òc.
Dissabte 27/04/24, 10h30, Arudi (64) – Presentacion deu conte Las tres auquetas per Carine Freyssinet e Jean Eygun, dab la librairia « La Curieuse », au Musèu d’Arudi.
Dimars 30/04/24, Tarba (65) – Taulèr de libes de las edicions Letras d’òc. Prumèr dia de la corsa La Passem.
Dissabte 04/05/24, Bonamason (65) – Taulèr de libes de las edicions Letras d’òc, au parat de « Eras Escalas de Primtemps » a l’abadia de l’Escaladiu.
Dimenge 05/05/24, 10h à 18h Lo Mont (de Marsan) (40) – Taulèr de libes de las edicions Letras d’òc. Arribada de la Passem, plaça de las Arènas.
